‘Ready na tayo’: Vaccination program para sa 320K residente ng Valenzuela City, kasado na

Handang handa na ang lungsod ng Valenzuela sa pag-roll out ng vaccination program nito para sa 320,000 residente sakaling dumating na sa bansa ang mga bakuna kontra COVID-19.

Sabi ni Mayor Rex Gatchalian, “Ready na tayo. May cold storage na. Na-identify na yung 17 na sites na gagamitin. Naka-advance purchase din tayo sa AstraZeneca, kasama tayo doon. Nakabili tayo ng 640,000 doses. Delivery nung second half of the year. Pero anytime na may dumating mula sa pamahalaang national, lock and load na tayo.”

Sinabi ni Gatchalian na isang buwan na ang kanilang online registration at patuloy silang nagre-register ng mga residenteng nais magpabakuna.

Sakaling may mga hindi naman dumating sa takdang oras ng pagbabakuna ay may pwede naman silang ipalit dito mula sa uniformed personnel, kawani ng lokal na pamahalaan, barangay, o mga guro ng Department of Education.

Source: https://news.abs-cbn.com/video/news/02/25/21/ready-na-tayo-vaccination-program-para-sa-320k-residente-ng-valenzuela-city-kasado-na

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.