DOST: Lagundi ‘napabilis’ recovery ng may COVID-19 mild symptoms sa local trials

Nakatulong ang tradisyunal na halamang gamot na lagundi sa pagpapabilis ng paggaling ng ilang kaso ng COVID-19 mula sa mild symptoms, ayon sa isinagawang lokal na trials ng gobyerno.

 Ayon kay Department of Science and Technology Secretary Fortunato Dela Peña, 278 pasyente mula sa sari-saring quarantine facilities ang lumahok sa pag-aaral. Kalahati ang pinagamit ng lagundi habang ang nalalabi ay hindi.

Wika ni Dela Peña, “Lahat naman sila’y gumaling. Ang pagkakaiba lang po nila, unang-una, iyong mga nag-lagundi, madaling nagbalik iyong kanilang pang-amoy.”

Aniya, “Iyon pong mga sintomas nung mga nag-take ng lagundi ay mas unang nawala iyong mga sintomas. Pero ang kanilang kabuuang finding eh pare-pareho silang umabot ng between 7 [to] 8 days bago maka-recover at wala naman pong naging adverse effect.”

Ilan sa mga kilalang sintomas ng COVID-19 ang pagkawala ng amoy matapos dapuan ng virus.

Source: https://www.philstar.com/pilipino-star-ngayon/bansa/2021/06/30/2109228/dost-lagundi-napabilis-recovery-ng-may-covid-19-mild-symptoms-sa-local-trials

Leave a comment

Your email address will not be published. Required fields are marked *

This site uses Akismet to reduce spam. Learn how your comment data is processed.